呢個post其實係想係度更新《語錄大全》畀大家睇既，由於《語綠大全》既金句已經劇增，全篇實在太長，所以只會post《朱語錄》部分同埋會考題個部分...... 咁順便講埋水運會啦。唉，D啦啦隊好似真係一年不如一年，同中二個陣一樣，我啲friend話剩係聽我把聲係度嗌，肥仔傑話我high大左，超，我中二個年都係咁嗌架啦，最尾個年我地琮社啦啦隊攞左獎，但係依家呢???唉，有啲失落添，唔通係因為有啲野已經變到面目全非???定係我不甘歸於平淡???我都唔知自己諗緊乜野，所以如果大家睇到呢段係可以索性skip左佢既(打到最尾個句先講，哈哈)...... 究竟水運對我黎講有乜意義呢???我都唔知。我又冇參加比賽(廢事獻醜啦)，又唔係helper，只係社committee，就成日係度幫啦啦隊。見到我地琮社包尾二，唔知講乜好；見到人地啦啦隊咁勁，都唔知講乜好。人地話:「輸人唔輸陣。」我地呢???其實一早我就覺得我地啦啦隊有個大問題就係個陣，啲人排得咁散，好似成隊雜牌軍咁，一開始就輸個陣畀人地啦，加上我地社冇乜表現，啲中一生就更加冇mood嗌。所以，唔輸至奇...... 中午Edwin帶埋個交流生黎一齊食飯，好開心都可以同個交流生傾到一兩句，Edwin有句講得好岩，我地平時真係好少機會用英文同人地講野，所以真係好想同個交流生講多啲野...... 下午返去又要lead啦啦隊，竟然連我地班有比賽都唔係好知添，有啲人落埋場好睇，早知我都去應下景啦。唉，將咁多時間花係冇結果既地方上，都唔知自己為乜，一年又一年啦，我都仲係咁。好少同人影相，我諗都唔超過五幅，不過原來超人係咁係上面影我舉牌(唔係獎牌呀)個衰樣...... 終於，個水運會完左啦，就帶班友去踩我家姐場，有:Edwin、華哥、呀嘉、青蛙、雞傑、乳豬、JamJam、錢英言等(有冇數漏左???)，成班麻甩佬行去地帶睇，家姐一開始係電話度又話唔緊要，點知去到又話嚇親佢，真係唔知講乜好。我同家姐講完野，班友走啦，都竟然仲唔知個個係我家姐，雞傑仲話我係咪呀爸生，我家姐係咪呀媽生，可想而知我同我家姐個樣唔似...... 不過我真係幾失敗，一個女仔我都捃唔到同我去我家姐度望下。唉，睇黎我成世都係冇女仔理我架啦。又諗起上次去中四個度派卡片，啲人竟然見到我即刻走開，連畀我講一句都唔得。喂，洗唔洗咁呀，派張卡片畀你啫，又唔係要食左你隻車，你以為我拐左你咩!!!你唔想要咪講聲囉，洗唔洗掉頭唔理人呀，仲要對住你講左三次野你都係咁喎。妖，早知唔上黎派，自討苦吃...... 死啦，又扯開左話題添，講返去家姐度。之後班人諗走啦，竟然見到Joycewan同佢個fd一齊捃緊我家姐間舖，咁我當然即刻衝上前俘虜呢兩個「人質」拎去家姐度做戰利品啦，於是係我帶領下成班人又去踩多次場...... 最尾班友要走啦，我又行返去維園打波。Sorry，都係打得唔算幾好，可能唔係好有心去打啦。同埋我今日對新鞋著到我好鬼痛，佢又唔係頂趾唔岩著喎，係唔夠橫搞到頂住我舊骨，返到屋企拿拿聲除鞋...... 到左十月份就要打社際籃球啦，好似係10月9號度打，有冇人知道個確實日期???可唔可以話我知...... 哈哈，到最尾都係講左勁多廢話，證明我既吹水功都幾勁。同埋今日打xanga好似打到好雜亂無章，大家都係skip左佢啦(又係到最尾先講)。好，我地言歸正傳，就係......睇朱語錄啦!!! ※※※※※※※※※※※※※※※※ 語錄大全(第三版) 編者︰邱同學 更新日期︰25/09/2009 [此為節錄] 簡介︰本語錄大全收集了聖x會鄧x堅中學數位名教師的名言警句，當中都是發人深省、值得學習的精句。當中朱教師熱愛數學，為人友善，深得學生愛戴，但不知為何曾遭暗殺，更曾經一度人間蒸發。而李老師平生愛好幽靜，日常的小動作就是托眼鏡皺眉頭，即使在堂上教學亦如是，看來傷心人別有懷抱。年青太太(Mrs Young)則為人極端，對凡事的看法皆抱持極端態度，而且是完美主義者，並不相信大意錯誤的存在。為了讓同學可以背誦其名言，成為座右銘，讓其流芳百世，故此效法論語及毛語錄，編輯此書。 目錄︰ 簡介 (一) 朱語錄 (二) 李語錄 (三) Young語錄 鳴謝 附送︰會考題目及朱語錄MC 會考題目及朱語錄MC答案 (一)朱語錄 一 態度篇 1.我真係唔明點解你地會咁差，我覺得最大既問題係你地上堂唔留心。 2.我覺得呢班有啲同學好有問題，其實我唔鍾意指名道姓，不過都要舉一舉例子。 3.我覺得自己好失敗，我教左你地班咁耐都唔係好認識你地，不過經過今堂之後我認識多左幾個。其中一個同學係(睇緊個座位表)......馮漢彬同學，你上堂成日都傾偈。 4.我覺得你地呢班同學欠缺左一樣野，(係黑板寫左「認真」兩個字)就係認真。 5.我希望同學做功課可以做得認真啲，我唔係要同學交貨畀我呀，我係真係想知道同學識唔識做。 6.譬如陳柱均同學,我成日見佢好似睇戲咁.佢畀我個印象好似咩都識咁,本來以為佢背後有咩強大支援...... 二 學習篇 7.或者同學係坊間有報讀一啲補習社，我唔知你師承邊個，學埋囇啲旁門左道既野。 8.我教過好多E班，你地呢班......好特別......你呢班呢......只係天資比較差。 9.我地班唔需要咁多助教，有咩問題就直接問我。 10.呢度一定要記，如果連呢個你都唔識，咁你就唔洗玩架啦。 11.我成日都話，要死記一樣野，最有效既方話，就係要多做練習。 12.如果你夠勤力既話，做十年既past paper，或者甚至做廿年，咁就萬事大吉啦。 13.你地唔好成日睇example，睇example不如自己做! 14.中四中五既野，唔洗靠天份既，做多啲練習就得架啦。 15.我成日都話，中四既同學一定要學好trigo.既野，因為再高form就冇得再學架啦。如果你唔學好呢，中四既課程完結左，咁你地就完結架啦。 16.做數你唔好驚，你要去接觸佢。唔接觸佢當然驚啦!知唔知咩係最恐怖?唔清楚先係最驚啊!前幾年有一套戲，都唔恐怖忌。午夜凶鈴有無聽過?都唔恐怖忌!成套戲只係不明不白，睇到我一頭霧水，就係一打個電話就死一個人咋嘛。唔清楚先驚啊嘛，唔好驚，去接觸佢啦，掂多幾次就唔驚咖喇。 17.我成日都講，如果同學根本對數學冇興趣，咁你千祈唔好讀Pure Maths. 18.啲人抄功課都唔諗下岩唔岩既，同學寫咁(朱老師係黑板上寫住「 2 」)跟住個同學就抄左咁(朱老師係黑板上寫住潦草既「2」字)之後又抄成咁喎(朱老師係黑板上寫住「Q」字) 三 解題篇 19.記住唔好將個p(k)個k寫做all positive integers，如果你assume左佢係任何正整數，咁，咁你仲證乜啫? 20.如果你連p(1)都唔識做，咁......你就真係pk啦! 21.中四中五既野難唔到我既，中六就難講啲。 22.雖然本教科書係咁樣寫，但係我對呢個證法有所保留。 23.其實呢條幾何問題係有好多出路架，但係我地首先要捃左個起步點。 24.咁呢條題目既答案係咩呀?唔洗問呀季，梗係xxx啦! 25.呢條題目既答案，呀茂都知啦! 26.哎呀，我呢度計錯左添。我希望同學唔好好似我咁大意，到時會考係度失埋啲無謂分就唔好啦。 27.點解我地做log既題目要取三個有效數字呢?其實呢個係歷史遺留落黎既問題。 28.你地見唔到見呀?呢度有少少轉符號既味道。 29.有啲同學成日都將個reason寫做Pyth.Thm.，乜野Pyth.Thm.啫？我地而家已經唔係用三角形架啦，我地依家用既係新定義，係用圓形圖做。如果你唔識個reason就唔好寫落去。咁個reason係乜呀?係......Distance Formula啦! 30.我見過有啲同學咁寫喎︰「Let x be John.」John都已經係一個人名黎架啦，你仲let佢做乜啫？! 31.同學好多時都錯呢類題目,屢試不爽。 32.無限大加無限大,答案無人知。呢個係不定式,答案係咩呀?水煮魚，阿水知。 33.我地要教識處理呢類問題,而處理方法呢,正如我所講... 34.見人代人，見鬼代鬼。(學生附加︰見到譚罐，代個矮仔) 35.D既加減數可以就咁拆得，睇黎好似好幸福咁喎。D既乘除數呢？你會發現幸福唔係必然既! 36.做呢D題目你一開始唔好D錯；D錯左，永無翻身之日。 37.分母個分母係分子；分子個分子係分母。 38.我地要個答案係回彈再回彈，不停回彈……直到永遠，阿們。 四 應考篇 39.記住，你考試既時候唔係要拎幾多分，而係唔好畀marker扣幾多分，要落個保護罩。 40.Maths會考要攞A，起碼要90分以上，你只係得9分可以畀你錯既。 41.我到目前為止都見唔到呢班會有同學攞A，希望係會考之前我會改觀。 42.記住，你寫左啲野唔係要自己睇得明，而係要個marker明，你要同個marker溝通。 43.我唔係要你啲字寫到好靚，但你起碼要寫得整齊，咁到時考試先可以畀marker好印象。 44.其實Maths既卷2呢，係靠操返黎既。 五 其他篇 45.唔知去到呢度大家有咩疑問?......有咩問題容後再講。 46.(當朱老師講左成日堂唔關事既野之後<見第53條>，終於打鐘啦)好，我地言歸正傳...... 47.有冇聽過呂重恩，我唔鍾意教呢啲學生，佢好迷信坊間既補習社。佢聽唔聽書都攞A既，教呢啲學生好冇成功感。 48.麥當勞啲麻辣漢堡包好好食，不過大陸個啲仲好食。 49.有個同學，佢本功課簿如果掟左落街，我諗除左佢自己之外，都冇人會認得到佢啲字。(該學生是楊xx同學)。 50.你係唔係好似一碌木咁，要人踢你先識郁? 51.呢間EMI school，要講英文。不過我知我成日偷雞講中文，我諗住用中文講大家會明啲嘛，講笑話都容易接收啲呀。 52.呢份原本諗住用黎測試下大家識唔識既，不過呢，印印下又溫馨得制，印埋個答案落去。 53.其實賭場有三招殺著，就係賠率唔合理、限紅同埋本大。以前有種賭法叫「lucky seven」，就係擲兩粒骰，然後班人就係咁嗌lucky seven、lucky seven、lucky seven......因為擲兩粒骰出七既機率好似比較大，咁睇返個表出七既機率真係最大喎，係1/6，但係賭場會設個賠率係幾多呢?係咪一定會under1賠6呀......有啲人第一次就賭一百蚊，輸左就賭二百，再輸賭四百，一路咁加倍，諗住實有一次可以賺返一百蚊啦，不過賭場就會有一招叫做限紅，你賭輸6400蚊以為可以再落注12800蚊呀？冇得咁架?......仲有一樣野，就係賭場比你本大，如果你身家有成幾千萬，要贏100蚊容乜易呀? 附送︰會考題目 1)log2=0.30103(corr. to 5 sig. fig.) a) The above statement is i) true ii) false iii) partly true iv) not given. (1) b) Hence, explain your answer. (3) 1)log2=0.30103(取值至5位有效數字) a) 以上陳述為 i) 正確 ii) 錯誤 iii) 部份正確 iv) 無從判斷。(1) b) 承上題，解釋你的答案。(3) 2)What is Mr. Chu’s favorite food?(2) Which taste does he like? (2) 2)朱老師喜愛甚麼食物？(2)他愛甚麼味道？(2) 3)Give 4 examples for what Mr. Chu does not know. (8) 3)試舉例4件朱老師不知道的事情。(8) 4)Why is Mr. Chu selfish? (1) 4)何以見得朱老師是個自私的人？(1) 5) Which guy(s) do both Mr. Chu and Mr. Lee mention that the student should not ask when they have problem to solve? (1) a) a teaching assistant b) the student surrounding c) Gwai d) Mao e)me i) a and b only ii) a, b, and c only iii)b only iv) All of the above v) None of the above 5)朱老師及李老師也指出，當學生有疑問想知道答案時，不應該詢問何人？(1) a) 助教 b) 旁邊同學 c) 呀季 d) 呀茂 e)我 i) 只有a和b ii) 只有a、b和c iii)只有b iv) 以上皆是 v) 以上皆非 6) What is the point of view of Mr. Chu, Mr. Lee and Mrs. Young respectively on how student can score a high mark on HKCEE?(4) 6) 朱老師、李老師及年青太太分別認為學生怎樣才能夠在會考中奪取佳績？(4) 7) Give 2 examples for how to satisfy the marker. (4) 7)試舉例2種能滿足改卷員的事情。(4) 8) Why can students never get answers if they have questions on Physics lesson? (4) 8)為何學生上物理課時有疑問的話，永遠得不到解答？(4) | 
